طرق هلالي معبر للشاعر : عبدالرحمن بن عبدالمحسن العلهوب

عذبني الهاجوس واغتاظ خاطري = ودمعات موق العين بالخد ذارفه
هجس يوديني وهجس يجيبني = وأشوف ضوح الياس بأنة مشارفه
أقدار ترميني على حين غفله = وظروف تجبرني وأعيش بكلايفه
أنا بذلت الجهد وأتعبت كاهلي = وأشوف جهدي ضاع والوقت جارفه
ناس يعزوني على شان حاجة = وهذي خلايق ناس والنفس عارفه
واليانتهت حاجاتهم نسيو الوفاء = وتشاغلوا بالوقت مع كل طايفه
يا نفس عيفي من تحملت جورهم = وصدي عن اللي صار هذي وصايفه
العام يرسلي مناديب وانتخي = واليوم حتى الشكل ما هو بعارفه