• ×
الخميس 18 رمضان 1445

" أبو الجازي

:: اول العمر واتلاه ::

:: اول العمر واتلاه ::
بواسطة fahadalawad 20-09-1433 06:52 صباحاً 1.9K زيارات
ثقة : خاص 



قو الحبيب اللي برى الحال فرقاه = 
اللي عجز يمحى حضوره غيابه

أصدق تعابير الأسى والمواساه = 
أقدمه له يجبر الله مصابه

من واحد طالت مع الوقت بلواه = 
هاجوس قلبه مايكدر جنابه

يلتاع يامنه تضايق بدنياه = 
لو كان مايذكر له الا عذابه

ياعاذلين المبتلي ضاعت ارياه
 = عن ما تقولونه يكفيه مابه

قلب المعنى مايطاوع بلاماه = 
تسرح وتنكف له ضوامي ركابه

انساه كيف انساه والله فلا انساه = 
إلين ماجسمي يوارى ترابه

أغمض عيوني ابنساه والقاه = 
والنوم لعيون المغربل نهابه 

ماغيرت قدره بصدري سواياه = بدر الدجى وان حال دونه سحابه

تضيع في نفسي وتصغر خطاياه
 = واسج مع ذكراه وانسى عتابه

ماشفت زافات الغرابيل لولاه = 
لو غاب طيفه حاضر بالنيابه

هذي مطاعن رمح سوده وشلفاه = 
باقصى مداهيل الضماير هوى به

وهذي معاميله وناره ومركاه = 
في وسط جوفي والمحاديب بابه

ياللي ملكني باول العمر واتلاه = 
إقلط على نزف الخفوق وصوابه

ماينكتب للعبد ياصاح يلقاه = 
لاتزعلك دنيا سريع خرابه

الصبر عن بوح الأحاسيس ما اقواه = والصمت في بعض المواقف إجابه