الله انه يا ملكنا يكافيك الشرور

يا الله اني طالبك يا ودود يا غفور = واحدٍ كل الخلائق تحرى في رجاه
عالم ما بالسراير وما تخف الصدور = كل ما في الكون فوق البسيطة ما خفاه
تحفظ العاهل ملكنا وما اصابه طهور = وتحفظه من كل مكروه وتسدد خطاه
والله ان الشعب كله يبادلك الشعور = هو يحبك وانت مخلص وتبحث عن رضاه
سيدي ظهرك ليا اوجعك انا اقول معذور = من كبر حمل تشيله يا ابو متعب علاه
شايلٍ لك حمل تعجز عنه كل الظهور = ما يشيله غير مثلك رفيعٍ مستواه
الله انه يا ملكنا يكافيك الشرور = يكتب لك الاجر والعافية طول الحياه
كلنا والله نحبك ونهديك الزهور = ونرفع كفوف الضراعة وندعي في الصلاه
ان ربي يذهب الباس ويعود السرور = نطلبه في كل الاوقات يا الله النجاه
والله انه لو ظروفك تبي تسمح نزور = كل شعبك جاك زوار من كل اتجاه
شوفتك يا سيدي نور ومشاهدك نور = شوفتك وانت متعافي تراها أكبر غناه
انت عزٍ للمواطن ودون الدارسور = بيتنا اللي بالشدايد يذرينا ذراه
وانت لك في كل محفل مواقيف وحضور = حكمتك تغلب على اهل السياسة والدهاه
جعل ربي يحفظك من صواديف الامور = وجعل ما اصابك من الباس تخفيف وبراه