أغلى وطن !

يا دار حنا جنودك وإن دعيتينا

والله ليروى الثرى من دم شجعانك

يا دار يا أغلى وطن يا عز ما فينا

أطهر تراب بهذا الكون بأحضانك

يا دار والله على ترابك تخطينا

نتعلم المشي ونقطف طلع بستانك

يا ما لعبنا وسيّرنا وسجّينا

ونشم فوح الخزام بسوح ريضانك

يا من على ترابها والله تربينا

والله نهلنا صنوف العلم بأركانك

يا دار يا من على الفطرة حفظتينا

نعز عزك ونترب خد من هانك

عهد علينا بحاضرنا وماضينا

نفداك بالروح ، وندحر كيد عدوانك

من يدّعي الدين ويفجّر مبانينا

ما هو بمنّا حشا والشرع برهانك

حكم الشريعة رضينا به ويرضينا

ومحد ٍ حكم بالشريعة غير سلطانك

يا دار عهدك علينا وان تعزوينا

نحفظ ترابك ونحفظ عهد من صانك