" بدرالليالي
 "

كيد عذالي ولا تطلب تأمر = 
ياشعاع الصبح ياطلة قدومه

لايهمونك هل المبدا المدمر = 
ما على بدر الليالي من نجومه

ما دروا حبي وسط قلبك معمر = وانت عندي حاجة ياصعب سومه

زرع حبك طاش بالخافق وثمر = 
ورده اليانع تفتح عن كمومه

والمشاعر شوقها بالجاش جمر = 
الغلا قتال والنفس معصومه

اشتكي لك من عيونك واتذمر = 
كن فيها كل ماترسل سهومه

رمح اخو بنا فنيطل يوم شمر = 
ساقت الفنجال باسم اعتا خصومه

كل راعي هقوةن لوهو تومر = عند ضيف الله بدت تقضي علومه

والتقوا مثل الضواري فوق ضمر = 
لين حول به برمحه عن قحومه

كل ماتغضي بها رجلي تسمر = 
وان بغيت الدرب رجلي ما تهومه

طالبك لاتذبح القلب وتأمر = 
جعل نفسي منك ماهي بمحرومه